Тансык очрашу

Кодаш урта мәктәбе укучылары, социаль хезмәткәрләр Зөлфия Ибраһимова һәм Дилфүзә Нәбиева җитәкчелегендә, гомер буе колхозда сыер савучы булып эшләгән Миншакирә Мөхәммәтгали кызы Вафинаны, өенә барып, Әниләр көне уңаеннан котладылар.

Авыр сугыш елларын кичергән хезмәт ветераны Миншакирә әбинең бу хөрмәттән, җылы сүзләрдән күңеле нечкәрде, күзләре яшьләнде.

Мондый очрашулар барыбыз өчен дә бик тансык һәм зур әһәмияткә ия: буыннар арасында элемтәне ныгыта, яшәү дәртен арттыра, яшҗләрдә дә өлкәннәргә ихтирам хисе уята.

Зөлфия ИБРАҺИМОВА,
өйгә барып хезмәт күрсәтүче социаль хезмәткәр.