Иртәгә гомумшәһәр өмәсе

1 апрельдә Бөгелмәдә өмәләр башланды. Санитар-экологик икеайлык 31 майга кадәр дәвам итәчәк. Генераль җыештыру вакытында парклардан, урамнардан һәм ишегалларыннан чүп-чар җыештырачаклар һәм яшел үсентеләр яңартылачак.

Чүплеккә озатуны көтүче капчык өемнәре шәһәр пейзажына тискәре йогынты ясый. Шуңа күрә быел шәһәрне чистартуда катнашучыларның барысының да килешеп эшләүенә зур игътибар юнәлтелә. Чүп-чар полигонга өмәләр узган көннәрдә генә чыгарылачак.

Исегезгә төшерәбез, массакүләм өмәләр 20, 27 һәм 30 апрельдә, шулай ук 7, 24, 31 майда узачак.

Оксана Гайсина фотосы.