Бугульминская газета
  • Рус Тат
  • “Тулпар”ның тәүге җиңүе

    Татар мәдәният үзәгендә эшләп килүче халык театрының "Тулпар" яшьләр төркеме 15 октябрь көнне Казан шәһәрендә узган ХVI "Өмет ярлары" дип аталган халыкара фестиваль- конкурста катнашып, II дәрәҗә лауреат исемен алып кайтты.

    Ф.ВӘЛИЕВА.
    Бөгелмә шәһәре.

    Флюра Шәрипова җи­тәкләгән бу яшь талантлы коллектив Т.Миң­нуллин әсәре буенча куелган "Моңлы бер җыр" спектакленнән өзек күр­сәтте. Муса Җәлил образында Эдуард Гафиятуллин, аның белән бер камерада үлем җәзасы көткән әсир-тоткыннар ролен шәһәребезнең төрле уку йортларында укучы талантлы егет­­ләребез, спектакльне алып баручы шагыйрәне 14 нче татар гимназиясе укытучысы Гөлнара Солтанова уйнады.

    Жюри рәисе, Россия Федерациясе Дәүләт Думасы эксперты, Мәскәү шәһә­ренең мәдәният комитеты рәисе, шагыйрь һәм композитор Иосиф Михайлович Рогаль "Тулпар" яшьләр төркеме чыгышына зур бәя бирде: "...шундый зур патриотик эшне оста башкаруыгыз өчен олы рәхмәтемне белдерәм", - диде үзенең чыгышында. Тамаша залында утыручы Нефтеюганск, Ижевск, Коминың Ухта шәһәреннән, Ростов-на-Дону, Казан, Чаллы, Свердловск, Мәскәү һәм башка бик күп шәһәр һәм өлкәләрдән килгән яшьләр, татар телен аңламасалар да, безнең егетләребезнең чыгышын тын да алмыйча, зур кызыксыну белән карадылар һәм алкышларга күмделәр.
    Халыкара фести­валь­­­дә мондый зур җиңү - Бөгелмәбез өчен зур дан һәм дәрәҗә.

    Рәхмәт, "Тулпар" егет­ләре! Театр сәнгатенә булган мәхәббәтегез тормышыгызда яңадан-яңа җиңүләргә илтсен!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: